There are so many different types of speeches both in Khmer and English. In the past years, I had already learned a little about how to write speeches in an English version. So this year, start from the beginning of the year in Khmer class, we’re starting to learn how to write a professional version of speeches in Khmer. Below, is an example speech of opening a new school.
- ជាបឋម នាងខ្ញុំម្ចាស់សូមក្រាបថ្វាយបង្គំដល់ ព្រះថេរានុថេរៈ ទាំងពីរគណៈជាទីសក្ការៈ!
- សូមក្រាបថ្វាយបង្គំ ព្រះករុណា ជាព្រះអង្គម្ចាស់ជីវិតតម្កល់លើត្បូង ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីខ្ពង់ខ្ពស់បំផុត!
- សូមគោរព សម្ដេចអគ្គមហាសេនាធិបតីតេជោ ហ៊ុន សែន នាយករដ្ឋមន្រ្ដីនៃព្រះរាជាណាចក្រកម្ពុជា និង លោកជំទាវគតិប្រឹត្តបណិ្ឌត ប៊ុន រ៉ានី ហ៊ុន សែន ដែលជាប្រធានកាកបាទក្រហមកម្ពុជាជាទីគោរព!
- សូមគោរពសម្ដេច ឯកឧត្តម លោកជំទាវ អ្នកឧកញ៉ា លោកឧកញ៉ា អគ្គរាជទូត រដ្ឋទូត លោក លោកស្រី អ្នកនាង កញ្ញា ព្រមទាំងភ្ញៀវកត្តិយសទាំងអស់ជាទីគោរព។
- សូមគោរព មន្រ្តីរាជការ លោកតា លោកយាយ លោកគ្រូ អ្នកគ្រូ លោកពូ អ្នកមីង និងបង ប្អូន សិស្សានុសិស្សទាំងអស់ដែលមានវត្តមាននៅទីនេះជាទីមេត្រី។
ថ្ងៃនេះ ជាថ្ងៃមហាដ៏មហា នក្ខត្តឫក្ស ឧត្ដុង្គឧត្ដម បំផុត ទូលបង្គំពិតជាមានភាពសោមន្សរីករាយខ្លាំង និងមានកត្តិយសជាទីបំផុត ដែលបានចូលរួមនៅក្នុងកម្មវិធី ដ៏ឧឡារិក្សមួយនេះ។ នាងខ្ញុំម្ចាស់សូមសម្ដែង នូវមនោសញ្ចេតនា រំភើប រីករាយ ប្រកបទៅដោយតញ្ញូតាធម៍ដ៏ជ្រាលជ្រៅបំផុត ដែលមានវត្តមានរបស់ ព្រះករុណា ព្រះបាទ ព្រះបរមនាថ នរោត្តម សហមុនី យ៉ាងខ្ពង់ខ្ពស់ជាទីសក្ការៈ ដែលបានចូលរួម ជាអធិបបតីភាព ក្នុងការប្រារព្ធកម្មវិធីសម្ភោធ សាលាអន្តរជាតិឡៃហ្គ័រ ដែលមានទីតាំងស្ថិតនៅ ភូមិចំពុះក្អែក សង្កាត់ព្រែកថ្មី ខណ្ឌមានជ័យ រាជធានីភ្នំពេញ ដែលជាអំណោយដ៏ថ្លៃថ្លារបស់ លោកត្រេវឺរ ហ្គីល (Trevor Gile) និង លោកស្រី អាចនិសីកា ដែលជាអ្នកផ្ដួចផ្ដើមគំនិតបង្កើតសាលាអន្តរជាតិឡៃហ្គ័រនេះឡើង។
នាងខ្ញុំពិតជាមានចិត្តសោមន្សរីករាយ ត្រេកអរជាខ្លាំង ដោយបានទទួល បាន អំណោយ ដ៏មហិមានេះ។ សាលាអន្តរជាតិឡៃហ្គរ័មានអគារសិក្សាសំរុបចំនួន២ខ្នង។ ក្នុង នោះអគារទី១ មានបន្ទប់រៀនចំនួន ៤បន្ទប់សំខាន់ៗ រួមទាំងនោះមានដូចជា ថ្នាក់អក្សរសាស្រ្តខ្មែរ ថ្នាក់គណិតវិទ្យា ថ្នាក់រូបវិទ្យា និងថ្នាក់អក្សរសាស្រ្តភាសាអង់គ្លេស។ មិនតែប៉ុណ្ណោះ នៅក្នុងអគារទី២ រួមមានបន្ទប់ពិសោធន៍វិទ្យាសាស្រ្ត បន្ទប់នវកម្ម បន្ទប់វិស្វកម្ម និង បន្ទប់រចនាកំព្យូទ័រ។ អ្វីដែលអស្ចារ្យនោះគឺ ក្រៅពីមានអគារសិក្សាដ៏ល្អផូរផងនោះ សាលាអន្តរជាតិឡៃហ្គរ័ក៏មាន ទីកន្លែងស្នាក់នៅសម្រាប់លោកគ្រូ អ្នកគ្រូដែលមានសញ្ជាតិផ្សេងៗពីគ្នាផងដែរ។ លើសពីនេះទៅទៀត សាលា ក៏មានទីកន្លែងស្នាក់នៅរបស់បុគ្គលិក និងគេហដ្ឋានរបស់សិស្សានុសិស្ស ចំនួន២កន្លែងថែមទៀតផង។
សាលាអន្តរជាតិឡៃហ្គរ័គឺជាសាលាក្រៅរដ្ឋាភិបាល ដូចនេះកម្មវិធីសិក្សារបស់សាលា មានភាពពីខុសគ្នាទៅនឹងសាលារដ្ឋ និង សាលាឯកជន។ លើសពីនេះទៅទៀតសាលាផ្ដល់អារហារូបករណ៍ដល់សិស្សានុសិស្សនៅទៅនេះទាំងអស់ ដូច្នេះសិស្សទាំងអស់មិនបាច់ចំណាយថវិកាអ្វីនោះទេ។ ចំណែកឯគោលដៅរបស់សាលាវិញ គឺចង់ឃើញសិស្សានុសិស្សនៅទីនោះ និងកូនខ្មែរជំនាន់ក្រោយ ធ្វើឲ្យប្រទេសរបស់ពួកគេ មានការអភិវឌ្ឍរីកចម្រើន។ ជាងនេះទៅទៀត សាលាក៏មានគោលបំំណងឲ្យសិស្សនៅទីនេះ ក្លាយជាពលរដ្ឋល្អក្នុងសង្គម ចេះគោរពមនុស្សជុំវិញ និងជួយអ្នកដទៃក្នុងគ្រាអាសន្ន។ អ្វីដែលអស្ចារ្យនោះគឺ សាលាមានការសិក្សាជបែបគម្រោង ដោយផ្ដល់ឪកាសដល់សិស្សានុសិស្សទាំងអស់ បានចុះកិច្ចសិក្សាទៅឯខេត្តនាៗនៃប្រទេសកម្ពុជា ហើយប្រទេសមួយចំនួនទៀតនៅក្នុងសកលលោក។
បើយើងក្រលេកទៅមើលចំនួនសិស្សានុសិស្សរបស់សាលាវិញ គឺមានត្រឹមតែ ១១០នាក់ប៉ុណ្ណោះដោយបែងចែកជា២ ជំនាន់ (ជំនាន់ទី១ និងជំនាន់ទី២)។ សិស្សជំនាន់ទី១ បានឲ្យនាមថា សិស្សច្បងដែលមានសិស្សចំនួន ៥០នាក់ និង សសិស្សជំនាន់ទី២ ដែលជាសិស្សប្អូនមានចំនួន ៦០។ ចំណែកឯកម្មវិធីសិក្សារបស់សិស្សទាំពីជំនាន់ក៏ខុសគ្នាណាស់ដែរ ដោយសិស្សជំនាន់ទី១ កំពុងសិក្សានៅក្នុងថ្នាក់ទី ១០ និងជំនាន់ទី២ សិក្សាក្នុងថ្នាក់ទី ៧។ ក្នុងមួយសប្ដាហ៍ សាលាមានការសិក្សាត្រឹមតែ ៥ថ្ងៃប៉ុណ្ណោះដោយមិនគិត ពីថ្ងៃសោរ៍និងថ្ងៃអាទិត្យ។ កាលវិភាគសិក្សាវិញ ក៏មានការមមាញឹកជាអានេក ដោយចាប់ផ្ដើមពីម៉ោង ៨ព្រឹកដល់ម៉ោង ១២ថ្ងៃត្រង់ និងបន្តនៅម៉ោង ១រសៀលរហូតដល់ម៉ោង ៤ល្ងាច។ យ៉ាងណាមិញ សាលាផ្ដោតទៅលើភាសាអង់គ្លេសជាគោល ដោយមុខវិជ្ជាភាគច្រើន ត្រូវឲ្យសិក្សាជាភាសាអង់គ្លេស។ ដោយដូចហេតុខាងលើ នោះហើយគឺជាប្រធានដើមចម ដែលធ្វើសិស្សនៅសាលានេះប្រើប្រាស់ភាសាអង់គ្លេសបានល្អ។
ប ពិត ព្រះករុណា ព្រះមហាក្សត្រ ជា ទី គោរព ដ៏ ខ្ពង់ ខ្ពស់ សម្ដេច ទ្រង់ ឯកឧត្ដម លោកជំទាវ លោក ឧកញ៉ា លោក លោកស្រី បង ប្អូន ប្រជាពលរដ្ឋ មន្ត្រី រាជការ លោកគ្រូ អ្នកគ្រូ និង ក្មួយ ៗ សិស្សានុសិស្ស ទាំង អស់។
ជាកិច្ចចុងក្រោយ និង ក្នុង ឱកាស ដ៏ វិសេសវិសាល ជា ប្រវត្តិសាស្ត្រ ក្នុងការ សម្ពោធ សាលាអន្តរជាតិឡៃហ្គ័រ នៅទីក្រុងភ្នំពេញនេះ យើងខ្ញុំ ព្រះករុណា សូម ថ្វាយ ព្រះ រាជ សព្ទសាធុការ ពរ បវរ មហា ប្រសើរ ថ្វាយ ព្រះករុណា ព្រះបាទ សម្តេច ព្រះ បរម នាថ នរោត្តម សីហមុនី ជា ទី គោរព សក្ការៈ ដ៏ ខ្ពង់ ខ្ពស់ បំផុត សូម ទ្រង់ ប្រកប ដោយ ព្រះ បរម សុខ ក្សេមក្សាន្ត ព្រះជន្មាយុ យឺន យូរ ព្រះ បញ្ញាញាណ ភ្លឺថ្លា ដើម្បី ដឹកនាំ ព្រះ រាជាណាចក្រ កម្ពុជា ឆ្ពោះ ទៅ កាន់ ភាព រីក ចម្រើន និង សម្បូរ រុងរឿង តរៀងទៅ។ សូម ថ្វាយ ប្រគេន និង ជូនពរ បវរ ប្រសើរដល់ សម្ដេច ព្រះអង្គ ឯកឧត្ដម លោកជំទាវ លោក ឧកញ៉ា លោក លោកស្រី សមាជិក សមាជិកា និង អង្គ ពិធី ទាំងមូល សូម ប្រកប ដោយពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ ជានិច្ច និរន្ត ត រៀង ទៅ។ សូមអរព្រះគុណ និងអរគុណ!